Հայկական կոնյակը հայ ժողովրդի պարծանքն է: Հնարավոր չէ պատկերացնել հայկական հարսանիք կամ որևիցե այլ տոնախմբություն առանց կոնյակի:

Երևանի Կոնյակի գործարանը կառուցվել է 1887թ. վաճառական Ներսես Թաիրովի (Թահիրյան) կողմից, Հին Էրիվան ամրոցի տեղում: Հետագայում` 1899թ., նա վաճառեց իր գործը ռուս արդյունաբերող Նիկոլայ Շուստովին: 1900թ. Փարիզի ցուցահանդեսում Շուստովի արտադրանքը ստացավ «Գրան-պրի» մրցանակ: Բարձր որակական հատկանիշների շնորհիվ Շուստովին թույլատրեցին շշերի վրա գրել կոնյակ, այլ ոչ թե բրենդի, ինչպես ընդունված էր անվանել խաղողից ստացված այն բոլոր սպիրտային խմիչքները, որոնք չէին աճում Կոնյակ գավառում:

Ամենամեծ ճանաչումը հայկական արտադրանքն ունեցավ 1913թ., երբ «Շուստով և որդիներ» ընկերությունը հայրենական ու օտարերկրյա 30 գործարարների հետ սկսեց մատակարարել իր արտադրանքը ռուսական կայսերական արքունիքին:

Հայկական կոնյակի սիրահարներից են բազմաթիվ ճանաչված մարդիկ, որոնց թվում էր Ուինստոն Չերչիլլը: Ստալինն անձանբ էր վերահսկում բրիտանական վարչապետի համար «Դվին» կոնյակի առաքման գործընթացը: Երբ արդեն ծերունի Չերչիլին հարցրեցին, թե որն է նրա երկարակեցության գաղտնիքը, նա առանց մտածելու պատասխանեց. «Երբեք մի ուշացեք ճաշին, ծխեք Հավանայի սիգարներ և խմեք հայկական կոնյակ»:

Երևանի կոնյակի գործարանն այն վայրն է, ուր Դուք կարող եք տեղում ծանոթանալ կոնյակի արտադրությանը և միաժամանակ, համտեսել այդ լեգենդար խմիչքը: