Մանկական պատկերասրահը(Գեղագիտության ազգային կենտրոնը) մի վայր է, ուր կարելի հայտնաբերել տարբեր երկրների երեխաների պարզ, բայց միևնույն ժամանակ, հանճարեղ ստեղծագործությունները: Կենտրոնը հիմնադրվել է 1970 թվականին: Այստեղ ցուցադրվել են 130 երկրների 100 000-ից ավելի մանկական գեղարվեստական ստեղծագործություններ: Արվեստի ստեղծագործությունների այդ հսկայական ֆոնդում կան 3-ից 16 տարեկան տաղանդավոր երեխաների քանդակներ, նկարներ, կոլաժներ, ձեռագործ աշխատանքներ, փայտյա, կերամիկական և մետաղյա իրեր: Այդ երեխաներն իրենց արվեստով ապացուցում են, որ տարբեր երկրների ու մշակույթների տեր մարդիկ ունեն մեկ ընդհանուր նպատակ` պայքար հանուն գեղեցիկի ու լավագույնի: Ներկայումս կենտրոնի որոշ դահլիճներ ծառայում են որպես պատկերասրահ, որը պարբերաբար համալրվում է նոր հրաշալի կտավներով: