Տուրեր Հայաստանում

17 օր Հայաստանում

Share |

Շրջագայության անվանումը` Բացահայտեք Հայաստանը
Տևողությունը` 17 օր
Զբոսաշրջիկների թիվը` 4-10

Այս ուղևորության ընթացքում Դուք կծանոթանաք Հայաստանի տուրիստական ուղղությունների ընտրանու հետ: Ծրագիրը ներառում է. երկրի հիմնական տեսարժան վայրերի այցելություն, մշակութային իրադարձություններ, շփում տեղացիների հետ, խնջույքներ, ծանոթացում հայկական ազգային խոհանոցի և ըմպելիքների հետ: Շրջագայությունները կանցկացվեն հարմարավետ ավտոբուսներով, հմուտ թարգմանիչ-զբոսավարների ուղեկցությամբ: Խումբը 10 գիշեր կանցկացնի Երևան քաղաքում, 7 գիշեր` քաղաքից դուրս: Գիշերակացը քաղաքից դուրս կկազմակերպվի փոքր, հարմարավետ հյուրանոցներում: Երևանում բնակվելու վայրը կախված է Ձեր ընտրությունից: Ստորև բերված աղյուսակում ներկայացված են Երևանի համապատասխան հյուրանոցները:

1-ին օր Ճանաչողական շրջայց Երևանում: Այցելություն Հայաստանի պատմության թանգարան: Այցելություն Հայաստանի Ազգային պատկերասրահ:	Երևան` Հայաստանի մայրաքաղաքը Հայաստանի պատմության թանգարան Հայաստանի ազգային պատկերասրահ
2-րդ օր Այցելություն Մատենադարան, ուր պահպանվում են ավելի քան 15 000 հին ձեռագրեր:Այցելություն աշխարհահռչակ գեղանկարիչ Մ. Սարյանի տուն-թանգարան: Այցելություն Երևանի կոնյակի գործարան` 3 լավագույն կոնյակների համտեսմամբ:	Մատենադարան - հին ձեռագրերի թանգարան Սարյանի տուն-թանգարան Երևանի կոնյակի գործարան
3-րդ օր Այցելություն Հայաստանի Գեղագիտության Ազգային կենտրոն: Այցելություն «Մոռացված նախնիների ստվերները» և «Նռան գույնը» համաշխարհային համբավ ունեցող ֆիլմերի ռեժիսոր Ս. Փարաջանովի տուն-թանգարան: Մասնակցություն համերգի կամ օպերային ներկայացման:	Մանկական պատկերասրահ Փարաջանովի թանգարան
4-րդ օր Ուղևորություն դեպի Հայ Առաքելական եկեղեցու հոգևոր ու վարչական կենտրոն` Սբ. Էջմիածին: Ճանապարհին այցելություն մուսալեռցիների հերոսամարտի թանգարան: Էջմիածնում այցելություն ու ծանոթություն Մայր Տաճարին, ուր պահպանվում են եկեղեցական անգին գանձերն ու մասունքները: Այցելություն սբ. Հռիփսիմե եկեղեցի: Հետադարձ ճանապարհին Զվարթնոցի տաճարի (10-րդ դար) ավերակների դիտում: Վերադարձ Երևան:	Մուսա լեռան հերոսամարտի թանգարան և հուշահամալիր Էջմիածին Զվարթնոց
5-րդ օր Ուղևորություն դեպի քաղաք Ալավերդի` անտառածածկ լեռների ու անդնդախոր կիրճերի հեքիաթային վայր: Միջնադարի հայկական ճարտարապետության գլուխգործոցների` Սանահինի (9-12-րդ դարեր) ու Հաղպատի (11-13-րդ դարեր) վանքային համալիրների դիտում: Այդ վանքերը գտնվում են ՅՈՒՆԵՍԿՕ-ի պաշտպանության տակ և ներառված են համաշխարհային ժառագության հուշարձանների ցանկում: Այցելություն Միկոյանի եղբայրների թանգարան: Տեղավորում հյուրանոցում: Գիշերում:	Սանահինի վանք Հաղպատ Միկոյան եղբայրների թանգարան
6-րդ օր Ուղևորություն դեպի Դիլիջան, որը հայտնի է փշատերև ու սաղարթավոր հիասքանչ անտառներով: Հաղարծին միջնադարյան վանքի դիտում: Այցելություն Իջևանի գինու գործարան, գինու համտեսում: Շրջայց Իջևանի քանդակագործության այգում:	Հաղարծին Իջևան
7-րդ օր Ուղևորություն դեպի երկրի «կապուտաչյա գեղեցկուհի»` Սևանա լիճ, որը աշխարհի բարձրադիր լճերից մեկն է: Թերակղզու վանքերի դիտում: Հանգիստ լճի ափին: Գիշերակաց տեղի հյուրանոցում:	Սևանա լիճ
8-րդ օր Հանգիստ Սևանա լճի ափին: Երեկոյան` զվարճանքներ, խարույկ կիթառի մեղեդիների ներքո, երգ ու պար:	Սևանա լիճ
9-րդ օր Ուղևորություն դեպի Հայրիվանք: Ուղևորություն դեպի Նորատուս, ուր կարելի է տեսնել հազարից ավելի հին խաչքարեր (9-15-րդ դարեր): Անցում Սելիմի լեռնացքով: Ուղևորություն դեպի Վայք: Գիշերակաց տեղի հյուրանոցում:	Նորատուս
10-րդ օր Ուղևորություն առողջարանային քաղաք` Ջերմուկ, որի ճանապարհը անցնում է նեղ ու խոր կիրճի միջով: Ջերմուկի տարածքը հարուստ է յուրահատուկ բուժիչ հանքային ջրերով և առանձնանում է մեղմ կլիմայով: Շրջայց քաղաքում: Ջերմուկի ջրվեժի դիտում: Վերադարձ Վայք: Գիշերում տեղի հյուրանոցում:	Ջերմուկ
11-րդ օր Ուղևորություն դեպի Սիսիան քաղաք: Այց մեգալիթի դարաշրջանի հինավուրց քարե աստղադիտարան` Զորաց Քարեր: Ուղևորություն դեպի քաղաք Գորիս: Այցելություն Ա. Բակունցի տուն-թանգարան: Ուղևորությունը կշարունակվի դեպի Տաթև վանքային համալիր: Տաթև տանող ճանապարհին, Որոտանի կիրճի ամենախոր մասում է գտնվում բնության արտասովոր հրաշքը` Սատանի կամուրջը: Հսկայական կիրճի եզրին գտնվող Տաթև վանքային համալիրի դիտում: Վերադարձ Վայք: Գիշերակաց տեղի հյուրանոցում:	Սիսիան Քարահունջ - հնագույն աստղադիտարան Ակսել Բակունցի տուն-թանգարան Սատանի կամուրջ Տաթևի վանք
12-րդ օր Ուղևորություն դեպի միջնադարյան Հայաստանի ճարտարապետական խոշորագույն հուշարձան` Նորավանք, որը շրջապատված է հրաշագեղ կարմիր ժայռերով: Այցելություն Արենիի գինու գործարան, հայկական գինու համտեսում: Ուղևորության շարունակությունը դեպի Խոր Վիրապ վանք, որտեղից բացվում է բիբլիական Արարատի համայնապատկերը: Վերադարձ Երևան:	Խոր Վիրապ Նորավանք
13-րդ օր Ուղևորություն դեպի Գառնիի հեթանոսական տաճար, որը նվիրված է եղել արևի հայոց աստված Միհրին (մ.թ.ա. 1-ին դարի վերջ) և եղել է նաև Հայոց արքաների ամառային նստավայրը: Ուղևորություն դեպի Գեղարդի վանքային համալիր, որը հայտնի է իր անգերազանցելի քանդակներով ու ժայռափոր եկեղեցիով: Վերադարձ Երևան:	Գառնի Գեղարդ
14-րդ օր Ուղևորություն դեպի Օշական, ուր հանգչում է հայոց գրերի գյուտի հեղինակ Մեսրոպ Մաշտոցի աճյունը: Ամեն տարի սեպտեմբերին բազմաթիվ առաջին դասարանցիներ հայոց այբուբենի առաջին տառը սովորում են հենց այս եկեղեցում` Մաշտոցի շիրիմի մոտ հանդիսավոր երդումից հետո: Ուղևորությունը կշարունակվի դեպի Ամբերդ ամրոց (10-12-րդ դարեր), որը գտնվում է ծովի մակարդակից 2300մ բարձրության վրա: Ուղևորություն դեպի ժամանակակից Հայաստանի ամենաբարձր կետը` Արագած լեռը (4090մ): Հանգիստ գեղատեսիլ, բարձրադիր Քարի լճի ափին, որը գտնվում է ծովի մակարդակից 3250մ բարձրության վրա: Վերադարձ Երևան:	Օշական Ամբերդ Սևանա լիճ
15-րդ օր Ուղևորություն դեպի քաղաք Աշտարակ: Ծանոթացում Սաղմոսավանքին: Շրջագայության շարունակությունը դեպի Հովհանավանք: Վերադարձ Երևան:	Սաղմոսավանք Հովհաննավանք
16-րդ օր Այցելություն 1915 թվականի եղեռնի զոհերին նվիրված հուշահամալիր` Ծիծեռնակաբերդ: Ուղևորությունը կշարունակվի դեպի Լուսակերտ: Հյուրընկալություն հայկական ընտանիքում: Վերադարձ Երևան: Մշակութային ծրագիր:	Հայոց ցեղասպանության հուշահամալիր և թանգարան
17-րդ օր Այցելություն Վերնիսաժ - տոնավաճառ բաց երկնքի տակ, ուր վաճառվում են հայ վարպետների ձեռագորձ աշխատանքները: Ազատ ժամ: Հրաժեշտի ընթրիք ռեստորանում:	Ձեռագործ իրերի բացօթյա տոնավաճառ

Նշում. որոշ տեսարժան վայրեր հասանելի չեն ձմռանը, այդ պատճառով ծրագրում հնարավոր են ոչ էական փոփոխություններ, որի մասին Ձեզ կտեղեկացվի նախապես:

Խմբի մասնակիցների հավաքագրում, շրջագայության ամրագրման սկզբունք Բաց ամսաթվով փաթեթը հնարավորություն է տալիս ճանապարհորդությունը կատարել Ձեզ հարմար ժամանակ և Ձեր նախընտրած խմբով (ընտանիք, բարեկամներ, գործընկերներ և այլն): Հայտը ուղարկելուց հետո Դուք 24 ժամվա ընթացքում կստանաք պատասխան, Ձեզ կտեղեկացվի շրջագայության առկայության, վերջնական գնի և այլ մանրամասնությունների մասին: Հայտի ձևը կարող եք ստանալ ստորև բերված աղյուսակում` սեղմելով տուրփաթեթի համապատասխան սկզբնական գնի վրա:

Փաթեթի սկզբնական գինը 1 անձի համար (ենթակա է վերջնական ճշգրտման)

Աղյուսակում բերված են փաթեթի սկզբնական գները 1 անձի համար: Կախված հյուրանոցի ընտրությունից, սենյակի տեսակից և այլ հանգամանքներից` հնարավոր են գների աննշան փոփոխություններ: Շրջագայության վերջնական գինը Ձեզ կուղարկվի հայտը ստանալուց հետո:

Փաթեթը ներառում է. տեղավորում, տեղափոխում (այդ թվում` տեղափոխում օդանավակայանից և դիմավորում ու ճանապարհում), նախաճաշ, զբոսավարի ծառայություններ, թանգարանների և մշակութային վայրեր (օպերա, բալետ և այլն) այցելելու տոմսեր:

Փաթեթի գինը չի ներառում. ինքնաթիռի տոմսի, մուտքի թույլտվության (վիզայի), ապահովագրության արժեքները, անձնական ծախսերը (հեռախոս, լվացք, մինիբար և այլն), սնունդը (բացի նախաճաշից), ալկոհոլը, լրացուցիչ շրջագայությունները, որոնք ներառված չեն Ձեր տուրփաթեթում:

Տուր-փաթեթի գները մեկ անձի համար

Երևան քաղաքի հյուրանոցում բնակվելու տարբերակներ Հյուրանոցի մասին տեղեկատվություն ստանալու համար սեղմեք անվանման վրա	խմբի կազմը՝ 4-10 մարդ
	Տեղավորման տարբերակներ Հայտը ներկայացնելու համար սեղմեք տուրփաթեթի համապատասխան գնի վրա
	DBL	SNGL
Արմենիա Մարիոթ
Գոլդեն Թուլիփ Երևան
Մետրոպոլ
Բեսթ Ուեսթերն Կոնգրես
Անի Պլազա Հոթել
Ավիատրանս
Եվրոպա
Ռեժինե

Ուշադրություն. Հնարավոր է նախնական պատվերով շրջագայությունների կազմակերպում անհատական զբոսաշրջիկների (մինչև 3 անձ) և մեծ խմբերի (11 և ավելի անձ) համար:Պատվիրեք անհատական շրջագայություն այստեղ: