Տուրեր Հայաստանում

10 օր Հայաստանում

Share |

Շրջագայության անվանումը` Ճանաչեք Հայաստանը
Տևողությունը` 10 օր
Զբոսաշրջիկների թիվը` 4-28

Այս ուղևորության ընթացքում Դուք կծանոթանաք Հայաստանի տուրիստական ուղղությունների ընտրանու հետ: Ծրագիրը ներառում է. երկրի հիմնական տեսարժան վայրերի այցելություն, մշակութային իրադարձություններ, շփում տեղացիների հետ, խնջույքներ, ծանոթացում հայկական ազգային խոհանոցի և ըմպելիքների հետ: Շրջագայությունները կանցկացվեն հարմարավետ ավտոբուսներով, հմուտ թարգմանիչ-զբոսավարների ուղեկցությամբ: Խումբը 9 գիշեր կանցկացնի Երևան քաղաքում, 1 գիշեր` քաղաքից դուրս: Գիշերակացը քաղաքից դուրս կկազմակերպվի փոքր, հարմարավետ հյուրանոցներում: Երևանում բնակվելու վայրը կախված է Ձեր ընտրությունից: Ստորև բերված աղյուսակում ներկայացված են Երևանի համապատասխան հյուրանոցները:

1-ին օր Ճանաչողական շրջայց Երևանում: Այցելություն Հայաստանի պատմության թանգարան: Այցելություն Հայաստանի Ազգային պատկերասրահ:	Երևան` Հայաստանի մայրաքաղաքը Հայաստանի պատմության թանգարան Հայաստանի ազգային պատկերասրահ
2-րդ օր Այցելություն Մատենադարան, ուր պահպանվում են ավելի քան 15 000 հինավուրց ձեռագրեր: Այցելություն աշխարհահռչակ գեղանկարիչ Մ. Սարյանի տուն-թանգարան: Այցելություն Երևանի կոնյակի գործարան` 3 լավագույն կոնյակների համտեսմամբ: Մշակութային ծրագիր:	Մատենադարան - հին ձեռագրերի թանգարան Սարյանի տուն-թանգարան Երևանի կոնյակի գործարան
3-րդ օր Այցելություն «Մոռացված նախնիների ստվերները» և «Նռան գույնը» համաշխարհային համբավ ունեցող ֆիլմերի ռեժիսոր Ս. Փարաջանովի տուն-թանգարան: Ուղևորություն դեպի Գառնիի հեթանոսական տաճար, որը նվիրված է եղել արևի հայոց աստված Միհրին (մ.թ.ա. 1 դարի վերջ) և եղել է նաև Հայոց արքաների ամառային նստավայրը: Ուղևորություն դեպի Գեղարդի վանքային համալիր, որը հայտնի է իր անգերազանցելի քանդակներով ու ժայռափոր եկեղեցիով: Վերադարձ Երևան:	Փարաջանովի թանգարան Գառնի Գեղարդ
4-րդ օր Ուղևորություն դեպի Հայ Առաքելական եկեղեցու հոգևոր ու վարչական կենտրոն` Սբ. Էջմիածին: Ճանապարհին այցելություն մուսալեռցիների հերոսամարտի թանգարան: Էջմիածնում այցելություն ու ծանոթություն Մայր Տաճարին, ուր պահպանվում են եկեղեցական անգին գանձերն ու մասունքները: Այցելություն Սբ. Հռիփսիմե եկեղեցի: Հետադարձ ճանապարհին Զվարթնոցի տաճարի (10-րդ դար) ավերակների դիտում: Վերադարձ Երևան:	Մուսա լեռան հերոսամարտի թանգարան և հուշահամալիր Էջմիածին Զվարթնոց
5-րդ օր Ուղևորություն դեպի քաղաք Ալավերդի` անտառածածկ լեռների ու անդնդախոր կիրճերի հեքիաթային վայր: Միջնադարի հայկական ճարտարապետության գլուխգործոցների` Սանահինի (9-12-րդ դարեր) ու Հաղպատի (11-13-րդ դարեր) վանքային համալիրների դիտում: Այդ վանքերը գտնվում են ՅՈՒՆԵՍԿՕ-ի պաշտպանության տակ և ներառված են համաշխարհային ժառագության հուշարձանների ցանկում: Այցելություն Միկոյանի եղբայրների թանգարան: Տեղավորում հյուրանոցում: Գիշերում:	Սանահինի վանք Հաղպատ Միկոյան եղբայրների թանգարան
6-րդ օր Ուղևորություն դեպի Դիլիջան, որը հայտնի է փշատերև ու սաղարթավոր հիասքանչ անտառներով: Հաղարծին միջնադարյան վանքի դիտում: Ուղևորության շարունակությունը դեպի երկրի «կապուտաչյա գեղեցկուհի»` Սևանա լիճ, որը աշխարհի բարձրադիր լճերից մեկն է: Թերակղզու վանքերի դիտում: Ուղևորություն դեպի Նորատուս, ուր կարելի է տեսնել հազարից ավելի հին խաչքարեր (9-15-րդ դարեր): Գիշերում տեղի հյուրանոցում:	Դիլիջան Հաղարծին Սևանա լիճ Նորատուս
7-րդ օր Ուղևորություն դեպի Խոր Վիրապ վանք, որտեղից բացվում է բիբլիական Արարատի համայնապատկերը: Ուղևորության շարունակությունը դեպի միջնադարյան Հայաստանի ճարտարապետական խոշորագույն հուշարձան` Նորավանք, որը շրջապատված է հրաշագեղ կարմիր ժայռերով: Այցելություն Արենիի գինու գործարան, հայկական գինու համտեսում: Վերադարձ Երևան:	Խոր Վիրապ Նորավանք
8-րդ օր Այցելություն 1915 թվականի եղեռնի զոհերին նվիրված հուշահամալիր` Ծիծեռնակաբերդ: Ուղևորություն դեպի քաղաք Աշտարակ: Ծանոթացում Սաղմոսավանքին: Վերադարձ Երևան:	Հայոց ցեղասպանության հուշահամալիր և թանգարան Սաղմոսավանք Ամբերդ
9-րդ օր Ուղևորություն դեպի Բջնի գյուղ, որը գտնվում է Հրազդան գետի կիրճում: Տեղի տեսարժան վայրերի դիտում: Ուղևորություն դեպի առողջարանային քաղաք Ծաղկաձոր, որի համբավը որպես լեռնադահուկային առողջարան էլ ավելի աճեց, երբ այստեղ շահագործման հանձնվեց հերթական 4-րդ ճոպանուղին: Այցելություն Կեչառիս հրաշալի եկեղեցական համալիր: Վերադարձ Երևան:	Բջնի Ծաղկաձոր
10-րդ օր Այցելություն Հայաստանի Գեղագիտության Ազգային կենտրոն: Այցելություն Վերնիսաժ` տոնավաճառ բաց երկնքի տակ, ուր վաճառվում են հայ վարպետների ձեռագորձ աշխատանքները: Հանգիստ: Հրաժեշտի ընթրիք ռեստորանում:	Մանկական պատկերասրահ Ձեռագործ իրերի բացօթյա տոնավաճառ

Նշում. որոշ տեսարժան վայրեր հասանելի չեն ձմռանը, այդ պատճառով ծրագրում հնարավոր են ոչ էական փոփոխություններ, որի մասին Ձեզ կտեղեկացվի նախապես:

Խմբի մասնակիցների հավաքագրում, շրջագայության ամրագրման սկզբունք Բաց ամսաթվով փաթեթը հնարավորություն է տալիս ճանապարհորդությունը կատարել Ձեզ հարմար ժամանակ և Ձեր նախընտրած խմբով (ընտանիք, բարեկամներ, գործընկերներ և այլն): Հայտը ուղարկելուց հետո Դուք 24 ժամվա ընթացքում կստանաք պատասխան, Ձեզ կտեղեկացվի շրջագայության առկայության, վերջնական գնի և այլ մանրամասնությունների մասին: Հայտի ձևը կարող եք ստանալ ստորև բերված աղյուսակում` սեղմելով տուրփաթեթի համապատասխան սկզբնական գնի վրա:

Փաթեթի սկզբնական գինը 1 անձի համար (ենթակա է վերջնական ճշգրտման)

Աղյուսակում բերված են փաթեթի սկզբնական գները 1 անձի համար: Կախված հյուրանոցի ընտրությունից, սենյակի տեսակից և այլ հանգամանքներից` հնարավոր են գների աննշան փոփոխություններ: Շրջագայության վերջնական գինը Ձեզ կուղարկվի հայտը ստանալուց հետո:

Փաթեթը ներառում է. տեղավորում, տեղափոխում (այդ թվում` տեղափոխում օդանավակայանից և դիմավորում ու ճանապարհում), նախաճաշ, զբոսավարի ծառայություններ, թանգարանների և մշակութային վայրեր (օպերա, բալետ և այլն) այցելելու տոմսեր:

Փաթեթի գինը չի ներառում. ինքնաթիռի տոմսի, մուտքի թույլտվության (վիզայի), ապահովագրության արժեքները, անձնական ծախսերը (հեռախոս, լվացք, մինիբար և այլն), սնունդը (բացի նախաճաշից), ալկոհոլը, լրացուցիչ շրջագայությունները, որոնք ներառված չեն Ձեր տուրփաթեթում:

Տուր-փաթեթի գները մեկ անձի համար

Երևան քաղաքի հյուրանոցում բնակվելու տարբերակներ Հյուրանոցի մասին տեղեկատվություն ստանալու համար սեղմեք անվանման վրա	խմբի կազմը՝ 4-10 մարդ		խմբի կազմը՝ 11-20 մարդ		խմբի կազմը՝ 21-28 մարդ
	Տեղավորման տարբերակներ Հայտը ներկայացնելու համար սեղմեք տուրփաթեթի համապատասխան գնի վրա
	DBL	SNGL	DBL	SNGL	DBL	SNGL
Արմենիա Մարիոթ
Գոլդեն Թուլիփ Երևան
Մետրոպոլ
Բեսթ Ուեսթերն Կոնգրես
Անի Պլազա Հոթել
Ավիատրանս
Եվրոպա
Ռեժինե

Ուշադրություն. Հնարավոր է նախնական պատվերով շրջագայությունների կազմակերպում անհատական զբոսաշրջիկների (մինչև 3 անձ) և մեծ խմբերի (11 և ավելի անձ) համար: Պատվիրեք անհատական շրջագայություն այստեղ: