Ճամփորդություն Հայաստան
Ճամփորդություն Հայաստան
Հեռավորությունը քաղաքների միջև
Տեսարժան վայրերի հեռավորությունը Երևանից
Եղանակը Երեւանում
Ցույց տալ
Տարադրամի Փոխարժեքը
Ցույց տալ
Ժամանակը Երեւանում
  17/10/2017   12:54



Ճամփորդություն Հայաստան
 Ճամփորդություն Հայաստան
Share |


Ինչպես հասնել Հայաստան

Հայաստանը, գտնվելով Եվրոպայի և Ասիայի միջմշակությաին, պատմական, կրոնական և քաղաքական խաչմերուկում՝ Սև, Կասպից և Միջերկրական ծովերի միջև, սերտորեն համակցված է աշխարհի հետ: Ի տարբերություն պատմական Հայաստանի, երբ Տիգրան Մեծի օրոք Հայաստանը սփռվում էր Կասպից ծովից մինչև Միջերկրական ծով, ներկայումս Հայաստանը ելք չունի դեպի ծով: Եվ չնայած այն հանգամանքին, որ Հայաստանի սահմանները փակ են իր երկու հարևան պետությունների՝ Թուրքիայի և Ադրբեջանի համար, այնումենայնիվ բավականին հեշտությամբ կարելի է ուղևորվել Հայաստան՝ Վրաստանից և Իրանից: Հայաստան կարելի մեկնել տրանսպորտային բազմաթիվ տարբերակներով՝ օդանավով, գնացքով, ավտոմեքենայով, հեծանվով և նաև ոտքով:

Մեկնել Հայաստան օդանավով


Հայաստանն ունի երկու հիմնական օդանավակայաններ՝ Զվարթնոց միջազգային օդանավակայանը և Գյումրու օդանավակայանը: Զվարթնոց միջազգային օդանավակայանը Երևանի կենտրոնից գտնվում է 12 կմ հեռավորության վրա: Օդանավակայանը գտնվում է տարանցիկ գոտում՝ այդուհանդերձ հնարավորություն ընձեռելով զբոսաշրջիկներին ուղևորվել դեպի քաղաք: Զվարթնոց օդանավակայանը համալրված է տարատեսակ ինքնաթիռներով: Դեռևս ԽՍՀՄ-ի կազմում գտնվելու ժամանակ, Զվարթնոց օդանավակայանը համարվում էր ամենաժամանակակից օդանավակայանը: Սակայն այդ ժամանակահատվածում իրականացվում էին միայն սահմանափակ ուղղություններով չվերթներ դեպի ԽՍՀՄ կազմում գտնվող պետություններ: Աշխարհի այլ երկրների ուղղություններով չվերթներ առհասարակ չկային:

Հայաստանի անկախացումից հետո, երկրի կառավարությունը պայմանագիր ստորագրեց արտերկրում բնակվող հայազգի ներդրողի հետ՝ Երևանի օդանավակայանը ընդլայնելու և վերանորոգելու նկատառումներով: Եվ ներկայումս Հայաստանն ունի ժամանակակից և անվտանգ միջազգային օդանավակայան, որը ճանաչվել և գնահատվել է միջազգային հասարակության և մի շարք ավիաընկերությունների կողմից: Երևանի Զվարթնոց միջազգային օդանավակայանի և Գյումրու օդանավակայանի աշխատանքային սպասարկումը իրականացվում է “Հայաստանի Միջազգային Օդանավակայաններ” կազմակերպության կողմից:

Երևանի օդանավակայանը համակցված է Եվրոպայի, Ռուսաստանի, Ասիայի և Աֆրիկայի ավելի քան 50 քաղաքների հետ: Երևանի հետ ուղիղ չվերթով կապված քաղաքներն են՝


Փարիզ
Բեռլին
Լոնդոն
Վիեննա
Պրահա
Ամստերդամ
Աթենք
Հռոմ
Վերոնա
Բարսելոնա
Բիրմինգեմ
Վարշավա
Ռիգա
Մինսկ
Կիև
Խարկով
Դնեպրոպետրովսկ
Դոնեցկ
Օդեսա
Սիմֆերոպոլ
Մոսկվա
Սոչի
Կրասնոդար
Անապա
Սամարա
Ռոստով
Վոլգոգրատ
Վորոնեժ
Չելյաբինսկ
Եկատիրինբուրգ
Սարատով
Վլադիկովկաս
Սանկտ Պետերբուրգ
Կրասնոյարսկ
Սուրգուտ
Տյումեն
Կազան
Նովոսիբիրսկ
Նիժնի Նովգորոդ
Շարմ Էլ Շեյխ
Օրենբուրգ
Պերմ
ՈՒֆա
Թիֆլիս
Թեհրան
Հալեպ
Ակտաու
Թել-Ավիվ
Դելի
Բեյրութ
Դուբայ
Իստամբուլ
Շարժա
Մին. Վոդի


Ավելի քան 30 միջազգային ավիաընկերություններ ամեն օր կանոնավոր չվերթներ են իրականացնում դեպի Երևան: Ծանոթացեք ավիաընկերությունների ցանկին, որոնք կանոնավոր չվերթներ են իրականացնում դեպի Երևան՝

Air France
Austrian Airlines
Armavia Air Company
Aeroflot-Russian irlines
British Midland Airways
Czech Airlines
Air Baltic
Syrian rab Airlines
Iran Aseman Airlines
Middle East Airlines, Air Liban S.A.L (MEA)
Caspian Airlines
Belavia
Atlasjet
Aeroflot-Don
Constanta Airlines
Donbassaero
Kavminvodavia
Kuban Airlines
PCS Ukraine International Airlines
Donavia
Orengburg Airlines
Russia State Transport Company
Air Company atarstan
Samara Airlines
Saratov Airlines
Ural Airlines
Volga viaexpress
Yamal Airlines
Air Armenia
Transaero Airlines OJSC
Air Company Scat
UTAIR
Krasair
Vim AviaPolet
Fly Dubai
Air Arabia
JSC "Rossiya Airlines"
Siberia Airlines
AMC Airlines
Taimyr Air Company


Ինքնաթիռով ուղևորությունը դեպի Հայաստան հանդիսանում է ամենանպատակային և ամենահարմար տարբերակը:

Մեկնել Հայաստան գնացքով

Գնացքով Հայաստան կարելի է մեկնել միայն Վրաստանից: Գործում են երկու մարդատար գնացքներ հետևյալ քաղաքներից՝

Թիֆլիս – գործում է ամբողջ տարվա կտրվածքով: Ճանապարհի տևողությունը մոտ 10 ժամ է
Բաթումի – գործում է միայն ամռանը: Ճանապարհի տևողությունը մոտ 15 ժամ է

Գնացքի տոմսի գները բավականին մատչելի են՝ սկսած ընդամենը $25-$30-ից:
Եվ չնայած պայմաններն ու սպասարկման որակն ամբողջովին չի համապատասխանում եվրոպական չափանիշներին, այնուհանդերձ բավականին ընդունելի և հարմար տարբերակ է ոչ շատ բծախնդիր զբոսաշրջիկների համար: Գնացքները մաքուր են և ամենակարևորը՝ անվտանգ:

Նրանք, ովքեր որոշել են առաջին անգամ մեկնել Վրաստան, կարող են Հայաստանից մեկնել հենց գնացքով:



Մեկնել Հայաստան ավտոմեքենայով


Հայաստան մեկնելու ամենահեշտ և պարզ տարբերակն ավտոմեքենան է: Գործում են երկու միջազգային ճանապարհներ՝ Վրաստանից և Իրանից:

Եթե դուք չունեք  անձնական ավտոմեքենա, ապա կարող եք վարձակալել՝ Հայաստանում ճանապարհորդելու համար: Սահմանային ընթացակարգերն այնքան էլ խիստ չեն Հայաստանում և կարելի է հանգիստ կերպով մուտք գործել Հայաստան անձնական ավտոմեքենայով: Ի համեմատ գնացքի և ավտոբուսի, ճանապարհորդությունն ավտոմեքենայով առավել ծախսատար է, սակայն այն հանդիսանում է առավել հարմարավետ և ճկուն տարբերակ:


Մեկնել Հայաստան ավտոբուսով


Ամեն օր Վրաստանից և Իրանից մի շարք մեծ զբոսաշրջային ավտոբուսներ են մեկնում Հայաստան: Այդ ավտոբուսներից շատերը պատկանում են տուրիստական ընկերություններին: Տուրիստական կազմակերպությունները կազմակերպում են այցի ողջ գործընթացը՝ տուրիստական փաթեթի շրջանակներում: Տուրիստական փաթեթն իր մեջ ներառում է նաև տրանսպորտը, զբոսավարի ծառայությունը և այլ ծառայություններ այն զբոսաշրջիկների համար, ովքեր եկել են այցելելու Կովկասը՝ այդ թվում և Հայաստանը:

Կանոնավոր ուղևորափոխադրումներ Հայաստանի և Վրաստանի միջև հիմնականում իրականացվում են միկրոավտոբուսների և գազելների միջոցով: Միկրոավտոբուսների վերջնակականգառները քաղաքային ավտոկայաններն են: Թիֆլիսից ժամանող ավտոբուսների ուղեվճարները թանկ չեն՝ ընդամենը $20-$35-ի սահմաններում:

Կանոնավոր ուղևորափոխադրումներ իրականացվում են նաև Իրանից շ: Իրանից ժամանող ժամանակակից ավտոբուսները ժամանում են Թեհրանից կամ Թավրիզից: Ուղևորափոխադրման արժեքը կազմում է $50-$60: Զբոսաշրջիկները տոմսերը ձեռք են բերում պարսկական տուրիստական կազմակերպություններից:

Մեկ այլ տարբերակ է նաև Հայաստան հասնել Իրանի Ջուլֆա քաղաքից՝ վճարելով ընդամենը $15-$20: Սահմանամերձ անցակետից կարելի է տաքսիով հասնել սահմանամերձ Մեղրի քաղաք, որտեղից էլ հասարակական տրանսպորտով հասնել Երևան: Ճանապարհը Մեղրից դեպի Երևան լեռնային է և կպահանջի մոտավորապես 7-9 ժամ Երևան հասնելու համար:

Մեկնել Հայաստան հեծանվով


Հեծանիվի սիրահար զբոսաշրջիկները կարող են մեկնել Հայաստան ինչպես Վրաստանից, այնպես էլ Իրանից: Ոչ մի արտառոց խոչընդոտ և ընթացակարգ չկա հեծանվով ճանապարհորդելու համար:


Հայաստան հասնել ոտքով

Ոտքով ճամփորդել սիրող զբոսաշրջիկները կարող են Հայաստան հասնել՝ հատելով սահմանը Վրաստանից կամ Իրանից: Սահմանային ընթացակարգերը նույնն են նաև այս տարբերակի պարագայում:

Հայաստանի սահմանն անցնելը զբոսաշրջիկների համար պարզ գործընթաց է: Սովորաբար այն տևում է մոտ 20 րոպե:

ԱՊՀ երկրների (Ռուսաստան, Ուկրաինա, Բելոռուսիա, Ղազախստան և այլ երկրներ) և Վրաստանի քաղաքացիների համար մուտքային վիզա չի պահանջվում:





© 2005 - 2014 welcomearmenia.com. All rights reserved.