Հայաստան : Ազգային և եկեղեցական տոներ

Հայաստան

Ազգային և եկեղեցական տոներ

Share |

Հայ ժողովուրդը դեռևս նախաքրիստոնենական շրջանում նշել է տարբեր ժողովրդական տոներ, որոնց ծեսերի մեծամասնությունը քրիստոնեության ընդունումից հետո անցել է եկեղեցական տոների արարողակարգի մեջ, ինչի շնորհիվ դարեր շարունակ պահպանվել և հասել են մեր օրերը հնագույն տոնակատարությունների շատ տարրեր:

Հայաստանի անկախացումից հետո հաստատվեց պետական պաշտոնական տոնացույցը, ազգային-եկեղեցական տոները նոր շունչ ստացան, վերականգնվեցին հնագույն ծիսական ավանդույթները, և այժմ ժամանակակից սերունդը մեծապես հետևում է դրանց, հաճույքով մասնակցում տոնակատարություններին: Հանգստի և զբոսաշրջության բազմաթիվ ընկերություններ, հնագույն արարողակարգի համաձայն, կազմակերպում են տոներին նվիրված գեղեցիկ միջոցառումներ, տոնահանդեսներ, որոնց հաճույքով մասնակցում են ոչ միայն տեղացիները, այլև օտարերկրացի հյուրերը և զբոսաշրջիկները:

Վարդավառ, Սուրբ Աստվածածնի վերափոխման (Խաղողօրհնեք), Սուրբ Սարգիս, Բարեկենդան, Ծաղկազարդ, Տյառընդառաջ և մյուս տոները հայ ազգի և նրա մշակույթի ինքնության և հարատևության խոսուն վկայություններն են:

Ազգային-եկեղեցական տոներին մանրամասն ծանոթանալու համար խնդրում ենք այցելել այս բաժնի համապատասխան ենթաբաժինը: