Հայաստանի տեսարժան վայրերը : Վերնիսաժ` նկարների բացօթյա ցուցահանդես

Հայաստանի տեսարժան վայրերը

Վերնիսաժ` նկարների բացօթյա ցուցահանդես

Share |

Օպերայի և բալետի ակադեմիական թատրոնից ոչ հեռու գտնվող պուրակում, ուր կանգնած է աշխարհահռչակ գեղանկարիչ Մարտիրոս Սարյանի արձանը, ժամանակակից հայ նկարիչները ցուցադրում են իրենց աշխատանքները վաճառքի կամ ուղղակի ցուցադրման նպատակով: Շաբաթ և կիրակի օրերը այդ պուրակը վերածվում է ժամանակակից արվեստի ու մշակույթի յուրահատուկ կենտրոնի, բաց երկնքի տակ գտնվող պատկերասրահի:
Վերնիսաժում կարելի է պարզապես զբոսնել, հիանալ ժամանակակից նկարիչների կտավներով ու տեղում ծանոթանալ հեղինակների հետ, կարծիք հայտնել Ձեզ դուր եկած ստեղծագործության մասին, գնել կամ պատվիրել նոր նկար:
Վերնիսաժը սկսել է գործել ավելի քան 17 տարի առաջ, Խորհրդային Միության փլուզման տարիներին: Աստիճանաբար այն քաղաքի հյուրերի և բնակիչների համար դարձավ շատ սիրելի վայր: Հետագայում Վերնիսաժում նկարներից բացի սկսեցին վաճառվել տարբեր հուշանվերներ, փայտյա և կերամիկական իրեր, ազգային զարդերով ասեղնագործված թաշկինակներ ու սփռոցներ, և այլ իրեր: Պուրակի տարածքը հետզհետե փոքր դարձավ գնորդների ու վաճառողների համար: Նպատակահարմար եղավ Վերնիսաժը բաժանել երկու մասի` նկարիչներն ու գեղանկարիչները մնացին Մարտիրոս Սարյանի պուրակում, իսկ մնացած վարպետների համար տեղ հատկացվեց Հանրապետության հրապարակի կից այգում: