Հայաստանում գործող ընկերությունների միավորումը (Միավորումը) փնտրում է Էլեկտրոնային/ինտերնետ մարքեթինգի և վաճառքի գործակալ: Միավորումն ունի տարաբնույթ ապրանքներ և ծառայություններ, որոնք առաջարկվում են հնարավոր հաճախորդներին ինտերնետի միջոցով: Բիզնեսի հիմնական ոլորտներն են` տուրիզմ, PR և ինտերնետ գովազդ:

Միավորումը փնտրում է խելացի, նպատակասլաց ու շնորհալի անհատների, որոնք պատրաստ են եկարաժամկետ համագործակցության բացառապես գործարքային հիմունքներով: Գործակալը կարող է այս գործի վրա ծախսել այնքան ժամանակ, որքան կամենա և կստանա վարձատրություն (կոմիսիսա)` իր կողմից վաճառված ապրանքների, ծառայությունների գումարին կամ քանակի համեմատ:  Այնուամենայնիվ, Գործակալը պետք է ապահովի որոշակի մակարդակից ոչ ցածր ջանք և արդյունքներ, որպեսզի համագործակցությունն իմաստ ունենա և լինի արդյունավետ:  Գործակալը կարող է աշխատել տանից կամ որևէ այլ վայրից` ճկուն ժամանակարգով:  

Գործակալը մշակում և տեղադրում է գովազդային և PR նյութեր տարատեսակ հարթակների վրա` կայքերի, էլեկտրոնային փոստի, անլար տեղեկատվական միջոցների, օրինակ` շարժական հեռախոսների, և այլն: Գործակալը պետք է բավարար հմտություն ունենա ինչպես ապրանքների ու ծառայությունների առաջխաղացման, այնպես էլ` տեխնոլոգիաների բնագավառում, հստակ գիտակցելով, թե ինչպես կարող են այդ երկուսը համատեղվել ու հանգեցնել գործարար եկամուտի:

Գործակալը կկատարի ինտերնետային-գովազդային տարատեսակ աշխատանք և հաճախորդների ներգրավման բազմապիսի քայլեր, որոնք ուղղված կլինեն Գործակալի իրավասությանը տրամադրված որոշակի ապրանքների ու ծառայությունների փաթեթների վաճառքին: Գործակալը պետք է.

Ինտերնետում և այլուր (եթե դա հնարավոր է) գովազդի նախապես փոխհամաձայնեցված ապրանքներն ու ծառայությունները: Գործակալը հիմնականում պետք է օգտվի ինտերնետային անվճար կայքերից և ծառայություններից, կամ օգտվի վճարովի ծառայություններից` իր հաշվին և իր ռիսկով: Ինտերնետում գովազդելիս, Գործակալը պետք է օգտագործի ժամանակակից մեթոդներ ու գործիքներ, ինչպես օրինակ` փոքր հոդվածների պատրաստում ու տարածում, հղումների, գովազդային վահանակների տեղադրում, ապրանքների ու ծառայությունների գրանցում ինտերնետային շտեմարաններում ու կատալոգներում, ակտիվ աշխատանք սոցիալական ցանցերում, ներառյալ` PR, գովազդ և ուղիղ հաղորդակցություն հնարավոր հաճախորդների հետ, հատուկ գործառույթներ որոնողական կայքերում և այլն:

Կապ հաստատի անհատ և կորպորատիվ հաճախորդների հետ` ներկայացնելու, գովազդելու իր իրավասությանը վերաբերող ապրանքներն ու ծառայությունները:

Պատասխանի նամակներին ու հարցումներին, Միավորման ղեկավարների հետ համաձայնեցված քննարկի ու բանակցի հաճախորդների պատվերներն ու հնարավոր գործարքները:

Իրականացնի այլ գործողություններ` ապահովելու նոր հաճախորդների ներգրավումն ու հաճախորդների բարձրակարգ սպասարկումը, Միավորման աշխատակիցների հետ միասին:

Գործակալ կարող են դառնալ հաղորդակցության մասնագետները, քանի որ տեղեկատվության արդյունավետ մատուցումն է նրանց հիմնական պարտականությունը: Դիմորդները պետք է ունենան համակարգչային շատ լավ և գրաֆիկական որոշակի հմտություններ, որպեսզի կարողանան հետաքրքրություն առաջացնել հաճախորդներին մատուցվող ապրանքների ու ծառայությունների նկատմամբ:  Այդ ամենից զատ` Գարծակալ դառնալու համար դիմողները պետք է լինեն խիստ կազմակերպված, ունենան վերլուծական մտածողություն, ստեղծագործելու ջիղ, լինեն աշխույժ և արագաշարժ, կարողունակ` լուծելու ծագող խնդիրները:

Գործակալը պետք է լավ կողմնորոշվի դեմոգրաֆիական հարցերում և հասկանա, թե որ կայքերում տեղադրի գովազդային նյութեր, ինչպես նաև ունենա լավ պատկերացում որոնողական “շարժիչների” օպտիմալացման (SEO) և մարքեթինգի (SEM) մասին:

Մենք փնտրում ենք ստեղծագործ անհատների, որոնք պատրաստ են նախաձեռնել քայլեր, այլ ոչ թե սպասեն որ իրենց սովորեցնեն ամեն բան: Նրանք պետք է լինեն ինքնուրույն գործելու կարող անձինք, որոնք կարող են աշխատել նվազագույն ղեկավարմամբ:  Մենք ակնկալում ենք, որ Գործակալը լինի պատասխանատու, տրամաբանող և ճիշտ կողմնորոշվող անձ: Նա պետք է վստահ լինի իր ուժերի վրա և հավատացած լինի, որ ամեն ինչ հնարավոր է, այլ ոչ թե հուսահատվի առաջին անհաջողությունից: Փորձառությունը կամ գիտելիքի առկայությունը տուրիզմի ոլորտի վերաբերյալ առավելություն է:

Հատուկ պահանջներն են`

Խնդրում ենք լրացնել և մեզ ուղարկել դիմումի ներքոհիշյալ ձևը` նախնական ընտրության համար: Առաջին փուլն անցած թեկնածուները կստանան նամակ-առաջարկ` ներկայացնելու ամբողջական կենսագրություն, կամ միանգամից կհրավիրվեն հարցազրույցի: Խնդրում ենք մինչ այդ մեզ չդիմել ու չզանգել: